Kapital bazarı

1. Mən kapital bazarından pul cəlb etmək istəyirəm.

«MFX- Trading İnvestisiya Şirkəti» ASC–dən anderraytinq xidməti almaqla Siz səhm və ya istiqraz buraxılışı yolu ilə kapital bazarından pul cəlb edə bilərsiniz.

2. Yerli kapital bazarında dövlət qiymətli kağızları almaq istəyirəm.

Dövlət qiymətli kağızlarını Maliyyə Nazirliyinin əvvəlcədən elan edilmiş hərraclarında (qısa, orta və ya uzunmüddətli) «MFX- Trading İnvestisiya Şirkəti» ASC–nin vasitəçiliyi ilə almaq olar.

3. Anderrayter xidməti almaq üçün ilkin olaraq nə etməliyəm?

Bunun üçün ilk növbədə notarial qaydada təsdiq edilmiş -Dövlət reyetrindən çıxarış, VÖEN, təsisçinin qiymətli kağızların buraxılışı üçün qərarı, direktorun təyin edilməsi haqqında qərarı təqdim edilməklə «MFX- Trading İnvestisiya Şirkəti» ASC ilə Anderrayting müqaviləsi bağlanır. Həmçinin yerləşdirmə üsulundan asılı olmayaraq Milli Depozit Mərkəzi ilə (buraxılmış qiymətli kağızların reyestri və saxlanılması xidməti üçün) müqavilə bağlanır.

4. Yerli birjada qiymıətli kağızları necə almaq olar?

Yerli bazarda qiymətli kağızları almaq üçün prosedur aşağıdakı kimidir.

• İnvestisiya şirkəti ilə müqavilə bağlanır

• Qiymətli kağızın saxlanılması üçün Milli Depozitariyada hesab açılır

• Müştəri tərəfindən İnvestisiya şirkətinə səhm alışı üçün sifarişin təqdim edilir

• Sifarişin məbləği investisiya şirkətinin hesabına köçürülür.

• Birjada formalaşmış tələb təklifdən asılı olaraq sifariş icra olunur

5. Birja əməliyatları haqqında məlumatları necə izləmək olar?

MFX-Trading İnvestisiya Şirkəti müştərilərinə mütəmadi olaraq bazar haqqında araşdırmalar, relizlər və ümumiyyətlə mövcud vəziyyətlə əlaqədar məlumatlar göndərir.

6. Hər yeni alış və ya satış zamanı sifariş təqdim etmək üçün ofisə gəlməliyəmmi?

Mövcud qanun və nəzarət orqanının tələbi ilə sifarişlər yalnız sənəd formasında İnvestisiya şirkətinin ofisində səlahiyyətli treyder tərəfindən qəbul edilməlidir. Müştəri məmuniyyəti və az vaxt sərf etmək baxımından təqdim edilməli olan sifarişlər sonradan sənədin imzalanması şərtilə (1 gün) whatsapp və ya sms vasitəsilə müştəridən alına bilər.

7. Portfel yaratmaq istəyirəm, amma risk etmirəm.

Portfel yaratmaq üçün daxili birjada və ya xarici birjalarda bir neçə təkliflər verə bilərik.

Daxili bazarda az riskli dövlət istiqrazları və ya təmin edilmiş korporativ istiqrazlarına investisiya etməklə minimum riskli protfel yaratmaqda köməklik edə bilərik.

Xarici birjalarda ticarətə buraxılan alətlərin nominalı, həmən ölkənin valyutasında olduğundan sizin valyuta riskiniz yaranır. Buna baxmayaraq xarici valyutada idarə olunan portfellər, devalvasiyadan qorunmaq üçün yaxşı çıxış yolu ola bilər. Xarici birjaları daxili aktivlərdən fərqləndirən əsas özəlliklər: likvidliyin yüksək olması, fərqli strateqiyalara uyğun bazar strukturu, uzun dövr üçün statistik göstəricilər, aktivlərin sayının çox olması və ortalama indekslərdə illik 9% - lik gəlir (son 50 ildə ABŞ S&P 500 indeksi 9% gəlirlilik sərgiləmişdir).

8. Divident ödəyən hansı səhmdar cəmiyyətləri var?

Hazırda yerli bazarda divident ödəyən Açıq Səhdar Cəmiyyətlərindən yalnız Beynəlxalq Bank ASC və Kapital Bank ASC-ni göstərmək olar. Xarici bazarda bir çox Şirkətləri misal göstərmək olar (Apple, McDonalds, Starbaks, Microsoft və.s).

9. Fəliyyətiniz nə qədər şəffafdır?

İnvestisiya Şirkətinin fəaliyyəti çərçivəsində investisiya əməliyyatlrı tam elektron sistem vasitəsilə həyata keçirilir. İstənilən əməliyyatla bağlı şübhə yaranarsa elektron sistemin imkanları çərçivəsində müştəriyə məlumat verilə bilər.

10. Birjada baş verən dəyişiklikləri təhlil etmək üçün hansı mənbələrdən istifadə edə bilərəm?

Bakı Fond Birjası və Azərbaycanda olan bütün İnvestisiya şirkətlərinin, həmçinin Milli Depozit Mərkəzinin internet saytları vasitəsilə Siz daxili bazarda baş tutmuş və nəzərdə tutulan bütün əməliyyatlar, hərraclar, market meyker katirovkaları, səhm təkrar bazar, dövlət istiqrazları ilə bağlı mütəmadi yenilənən məlumatlardan istifadə edə bilərsiniz.

11. Uşaqlarımın gələcəyi üçün investisiya etmək, yığım fondu yaratmaq istəyirəm.

«MFX- Trading İnvestisiya Şirkəti» ASC ilə yerli və xarici bazarlarda həm səhm, həm də uzunmüddətli istiqraz almaqla və ya müəyyən edilmiş illik faizlə protfel idarəçiliyinə uzunmüddətli (misal üçün 10, 15 illik) investisiya etməyiniz mümkündür.

12. Birjada əməliyyatları müstəqil həyata keçirə bilərəmmi?

Yerli Birjada hər hansı əməliyyat aparlıması yalnız İnvestisiya şirkəti vasitəçiliyi ilə mümkündür. Xarici Birjalarda isə «MFX İnvestisiya Şirkəti» ASC–nin partnyorluq etdiyi Brokerlər vasitəsilə tək terminal (platforma) ilə ticarət edə bilərsiniz, yəni xarici platformada (şəxsi login və parolunuz vasitəsilə daxil olub) şəxsi investisiyalarınızı özünüz idarə edə bilərsiniz.

13. Tələbəyəm, maliyyə bazarları haqqında dövri olaraq təlimlərə qatılmaq istəyirəm.

«MFX-Trading İnvestisiya Şirkəti» ASC-nin Təlim və tədris proqramı çərçivəsində nəzərdə tutulur ki, ildə 2 dəfə maliyyə bazarları ilə əlaqədar kurslar və praktiki təlimlər təşkil edilsin. İstənilən Unversitet tələbəsi və ya mövzu ilə maraqlanan şəxslər müraciət edə bilərlər.